Rusiya bu üç şəhəri ələ keçirməklə kifayətlənəcək - Ekspert

"Ukraynadakı Rusiya qoşunlarının bütün cəbhə xəttində irəliləmək üçün kifayət edəcək gücü yoxdur".

"İnterPosta"xəbər verir ki, bunu "Mi-Ukrayna”nın efirində "Strategiya XXI” Qlobal Araşdırmalar Mərkəzinin təhlükəsizlik proqramlarının rəhbəri Pavel Lakiyçuk deyib.

Ekspert bildirib ki, ruslar simvolik olaraq Avdiivka, Baxmut və Marinka şəhərlərini ələ keçirməyə cəhd etməklə kifayətlənəcək:

"Düşmənin cəbhənin bütün eni boyunca hücuma keçmək üçün kifayət qədər qüvvəsi yoxdur. Çox güman ki, əməliyyat və taktiki cəhətdən simvolik şəhərlərin - Baxmut, Avdiivka, Marinkanın ələ keçirilməsi ilə kifayətlənməyə çalışacaq. Bu baş verə bilər. Amma müdafiəmizdə sıçrayış yaratmadan bu əməliyyatın son nöqtəsi olacaq".

Qeyd edək ki, Ukrayna Silahlı Qüvvələrinin Baş Qərargahının aprelin 2-də səhər saatlarında dərc etdiyi məlumata görə, ən qızğın döyüşlər üç yaşayış məntəqəsi - Marinka, Avdiivka və Baxmut uğrunda davam edir.

Daha sonra bildirilib ki, Donetsk istiqamətində ukraynalı əsgərlər bəzi mövqeləri geri alıblar və hazırda müdafiə olunmaq üçün onları təchiz edirlər.

Amerika Müharibənin Tədqiqi İnstitutu (Mİİ) müxtəlif mənbələrə əsaslanaraq qeyd edib ki, Rusiyanın Ukraynaya qış hücumu Kremlin qarşıya qoyduğu məqsədlərin reallaşmasına - Donetsk və Luqansk vilayətlərinin bütün ərazisinin ələ keçirilməsinə səbəb olmayıb.\qaynarinfo

İnterPosta.info