WP: ABŞ-ın silah ehtiyatlarını bərpa etməsi 8-15 il çəkəcək
 

Dünyanın ən böyük - ildə 800 milyard dollardan çox hərbi büdcəyə və inkişaf etmiş sənayeyə baxmayaraq, Ukraynadakı münaqişə Vaşinqtonun hərbi ehtiyatlarını tükəndirib və onları bərpa etmək onilliklər çəkə bilər.

Qaynarinfo xəbər verir ki, bu barədə The Washington Post yazır.

Məqalə müəlliflərinin qeyd etdiyi kimi, Ukrayna münaqişəsi ABŞ-ın öz ehtiyacları və müttəfiqlərinin ehtiyacları üçün silah istehsal etməkdə "aşmalı olduğu dərin problemləri ortaya qoyub”. Analitiklərin fikrincə, Pentaqon Amerika anbarlarından Ukraynaya ötürülən silah ehtiyatlarını artırmaq üçün kifayət qədər səy göstərmir. WP-nin məlumatına görə, ABŞ Silahlı Qüvvələri komandanlığının nümayəndələri ölkənin hərbi-sənaye kompleksinin (MİK) "kövrəkliyini” təsdiqləyirlər və hazırkı istehsal həcmi qeyri-kafi ola bilər.

Aşağı istehsal sürəti o deməkdir ki, ABŞ-a sülh dövründə istehsal səviyyələrində 15 il, müharibə tempi ilə isə idarə olunan raketlər, idarə olunan təyyarələr və döyüş pilotsuz təyyarələri kimi əsas silah sistemlərinin ehtiyatlarını bərpa etmək səkkiz ildən çox vaxt aparacaq.

Eyni zamanda WP xatırladır ki, münaqişə ili ərzində Amerikanın Ukraynaya hərbi yardımı rekord həddə 30 milyard dollara çatıb və silahların böyük hissəsi Pentaqonun ehtiyatlarından götürülüb.

İnterPosta.info