Çexlər Azərbaycanda silah istehsal etmək istəyirlər
Çexiya Azərbaycanda müxtəlif layihələrin maliyyələşdirilməsi, həmçinin müdafiə sənayesi məhsullarının istehsalını təşkilində maraqlıdır. Bunu “İnterfaks-Azərbaycan”a Çexiya Deputatlar Palatasının sədri Radek Vondraçek deyib.
“Çexiya bankları iri maliyyə vəsaitinə malikdirlər və onları yatırmağa hazırdırlar. Azərbaycanın çox yaxşı nüfuza malikdir, niyə istehsal burada təşkil olunmasın”, - R.Vondraçek bildirib.
Onun sözlərinə görə, 2015-ci ildən Bakı və Praqa Azərbaycanda müdafiə sənayesi məhsullarının istehsalının təşkilinə dair danışıqlar aparır. “Düşünürəm ki, hərəkətə keçməyin zamanı çatıb”, - R.Vondraçek qeyd edib.
O məlumat verib ki, xüsusilə hazırda «Ceska Zbrojovka» xaricdə layihələr həyata keçirir, Azərbaycanda da istehsal təşkil edə bilərdi. “İstehsal olunan məhsullar həm yerli, həm də regional bazar üçün nəzərdə tutulur”, - R.Vondraçek vurğulayıb.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
