Xəzər Urmiya gölünü xilas edə bilərmi? - Anadolu Agentliyi araşdırdı

Xəzər suyunun Urmiya gölünə ötürülməsi nə qədər elmi və prinsipialdır və əsasən bu plan nə dərəcədə praktikdir?

"İnterPosta" xəbər verir ki, bu sualı Anadolu Agentliyinə müsahibəsində Türkiyənin "Metropolitan” Universitetinin beynəlxalq hüquq üzrə doktorluq tələbəsi, jurnalist Rza Talibi cavablandırıb.

Xəzər dənizinin həcmi 86 milyard kubmetr, ondan su çəkilməsi isə ildə maksimum 200 milyon kubmetr təşkil edir ki, bu da Urmiya gölünə yönəldilməlidir. Araşdırmalara görə, hər il bu həcmdə su çıxarılarsa, 2,6 milyon ton duz Xəzər dənizinə qaytarılmalıdır. Bəzi ekspertlərin fikrincə, belə bir layihənin həyata keçirilməsi üçün ən azı altı il vaxt tələb olunur və bu halda bütün ekoloji, sosial və iqtisadi parametrlər nəzərə alınmalıdır. Diqqətəlayiq məqam budur ki, köçürülən hər ton su üçün üç ton duz geri qaytarılmalıdır.

Ona görə də bu planın həyata keçirilməsi üçün ətraf mühitin bütün aspektləri nəzərə alınmalıdır. Ekspertlərin dediyinə görə, suyun ötürülməsi təbiəti və meşələri məhv edəcək.

Digər tərəfdən, Xəzər dənizinin özü də su böhranından əziyyət çəkir. Ondan əlavə, 2700 metr hündürlüyə suyun çəkilməsi baha başa gəlir. Xəzərdən Urmiya gölünə 5 kubmetr suyun vurulması təxminən yarım dollar vəsait tələb edir. Bir də kimyəvi cəhətdən Xəzər dənizinin su duzları sulfat, Urmu gölünün duzları isə xloratdır. Bu iki suyun quruluşu kimyəvi cəhətdən bir-birinə uyğun gəlmir və bu, mümkün deyil.

Yuxarıdakı təfərrüatlara əsasən, suyun Xəzərdən Urmiya gölünə ötürülməsinin heç bir elmi və ekoloji məntiqi yoxdur və əlavə olaraq bu layihə nə iqtisadi, nə də praktikdir.

İnterPosta.info