Qırğızıstanda koronavirusa yoluxan həkimlərin sayı 100-ü ötdü
Qırğızıstanda son sutkada 17 nəfərə koronavirus diaqnozu qoyulub.
Bunu ölkənin Operativ Qərargahı açıqlayıb.
Məlumata görə, ölkədə qeydə alınmış yoluxma hallarının sayı 466-ya çatıb.
Bildirilir ki, qeydə alınmış yeni yoluxmaların 5-i tibb işçilərində aşkarlanıb. Beləliklə, Mərkəzi Asiya ölkəsi Qırğız Respublikasında koronavirusa yoluxmuş həkimlərin sayı 104-ə yüksəlib.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.
Dünyada koronavirus infeksiyasına indiyədək yoluxanların sayı 2 083 000-i ötüb. Bunların 510 666 nəfəri sağalıb, 134 632 nəfəri isə ölüb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib./report
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
