Interposta.Info

Ərdoğanın dediyi o “Vaqner” kimdir? - Putinlə centlmen sazişi...

Dünya
 18-12-2019, 12:56     536

Türkiyə Prezidenti Rəcəb Tayyib Ərdoğan ötən həftə Liviyaya əsgər göndərilməsi ilə bağlı danışarkən, orda fəaliyyət göstərən "Vaqner" adlı bir təhlükəsizlik şirkətinin adını çəkib. Bəs bu "Vaqner" nədir, kimdir?

Türkiyənin tanınmış jurnalistlərindən olan Ərtoğrul Özkök buna öz köşəsində aydınlıq gətirib. Müəllif yazır ki, Vaqnerçilər rusiyalı Yevgeni Priqojin adlı qaranlıq iş adamının qurduğu təhlükəsizlik şirkətinin muzdlu döyüşçüləridir. Hər kəs onun Kremllə yaxın əlaqələri olduğunu bilir. Bu qrupun adı ilk dəfə Ukraynada eşidilib. Hazırda Suriyada 5 minə yaxın üzvü var. Son olaraq isə 2 min nəfərin Liviyaya göndərildiyi qeyd olunub.

Bu şəxslərin Liviyada bir tərəfdən də Qəddafinin oğlunu iqtidara gətirməyə çalışdıqları ilə bağlı iddialar var.

Kreml sözçüsü Dmitri Peskovun Türkiyə və Rusiya prezidentlərinin Liviya məsələsini müzakirə edəcəkləri ilə bağlı açıqlama verdiyini xatırladan Özkök görüşdə Ankaranın Liviyaya əsgər göndərməklə bu muzdlu döyüşçülərlə üz-üzə gəlməsinin qarşısını alacaq "centlmen sazişi" əldə olunacağına ümid etdiyini deyib. Əks halda Türkiyəyə düşmən olan dəli bir general və bu dəlisov muzdlu əsgərlər Məhmətciyə qarşı koalisiya qursa, xoşagəlməz hadisələr yaşana bilər./qaynarinfo

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26