Rus milyarderin 600 milyonluq “Dilbər”i Türkiyədə
Türkiyə sahillərində gəzmək üçün 600 milyon dollar dəyərindəki yaxtası ilə Marmarisə gələn Rusiyanın ən zəngin üçüncü adamı sayılan Əlişir Usmanov yaxtasına 400 min litr yanacaq alaraq, 2.6 milyon türk lirəsi ödəniş edib.
Axar.az xəbər verir ki, bu barədə Türkiyə mətbuatı yazıb.
Məlumata görə, “Dilbər” adlı 157 metrlik yaxtanı “Asmira Petrol” şirkəti yanacaqla təmin edib. “Dilbər” bununla 2018-ci ildə Türkiyəni ziyarət edib, yanacaq xidmətindən istifadə edən ən böyük yaxta olub.
16 yanacaq tankeri (quru) vasitəsilə yanacaq ehtiyacı ödənilən “Dilbər” proses başa çatdıqdan sonra öz marşrutu üzrə hərəkətinə davam edib.
Xatırladaq ki, “Forbes”ə görə Əlişir Usmanov Rusiyanın 3-cü, dünyanın isə 71-ci ən zəngin insanıdır.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
