Interposta.Info

Əfqanıstanda hərbçilər “Taliban” hərəkatının əlində olan 105 əsiri azad ediblər

Dünya
 31-05-2018, 23:26     10 411

Əfqanıstanın cənubunda ordunun xüsusi təyinatlı qüvvələri “Taliban” hərəkatının girovluğunda olan 105 əsiri azad ediblər.

AZƏRTAC Interfax informasiya agentliyinə istinadla xəbər verir ki, bu barədə Hilmənd əyaləti qubernatorunun mətbuat xidməti məlumat yayıb.

Əməliyyatlar əyalətin Kacəki rayonunun Sur-Karəz və Dəbaba yaşayış məntəqələrinin ərazisində keçirilib. Döyüşlərdə, həmçinin dörd silahlının öldürüldüyü bildirilir.

Hökumət qüvvələri, eyni zamanda, ölkənin şimal-şərqində Tahar əyalətinin Tacikistanla sərhədində yerləşən Daşti-Qala və Kvaca Qhar rayonlarını taliblərdən geri aldıqlarını və 16 silahlını öldürdüklərini iddia edir.

interposta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26