Interposta.Info

Tbilisidə aksiya iştirakçıları çadırlar qurur

Dünya
 13-05-2018, 00:34     10 243

Tbilisidə parlament qarşısında Rustaveli prospektində günorta saatlarından etibarən keçirilən etiraz aksiyası davam etdiriləcək.

APA-nın Gürcüstan bürosunun məlumatına əsasən, bu barədə aksiyanın təşkilatçılarından olan “Ağ səs-küy” hərəkatının lideri Beka Tsikarişvili deyib.

Tbilisi meri Kaxa Kaladzenin etirazçılara müraciətinə münasibət bildirən B.Tsikarişvili deyib ki, şəhər meri narkotiklərlə bağlı siyasət barədə danışmamalıdır: “Bu barədə baş nazir və daxili işlər naziri danışmalıdır”.

Hərəkat lideri qeyd edib ki, parlament qarşısında çadırlar qurulur və aksiya gecə də davam etdiriləcək.

Aksiya iştirakçıları saat 22:00-a qədər baş nazir Giorgi Kvirikaşvilini gecə klublarında keçirilmiş xüsusi əməliyyatla bağlı bəyanatla çıxış etməyə çağırmışdılar. Hökumət administrasiyasından G.Kvirikaşvilinin bəyanat vermək niyyətində olmadığı bildirilib.

interposta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26