Interposta.Info

İsrail hərbçiləri ilə fələstinlilər arasında toqquşmalar baş verib,

Dünya
 13-04-2018, 23:30     10 616

Bu gün Qəzza zolağının sərhədində İsrail hərbçiləri ilə toqquşmalarda 1 fələstinli nəfər ölüb, 701-i müxtəlif dərəcəli xəsarət alıb.

APA-nın məlumatına görə, bu barədə “RİA Novosti” agentliyinə Fələstin Səhiyyə Nazirliyinin nümayəndəsi Əşrəf əl-Kidra bildirib.

“Bu gün İsrail ordusunun açdığı atəş nəticəsində 28 yaşlı fələstinli ölüb, 163-ü güllə yarası almaqla 701 fələstinli yaralanıb”, deyə Ə.əl-Kidra qeyd edib.

Bundan əvvəl İsrail ordusunun mətbuat xidməti Qəzza zolağının sərhədində baş verən iğtişaşlarda 10 min fələstinlinin iştirak etdiyini bildirib.

Qeyd edək ki, martın 30-da fələstinlilər Qəzza zolağının sərhədində “Böyük Qayıdış Yürüşünə" başlayıb. Fələstinlilər aksiyanın mayın ortalarınadək davam edəcəyini bəyan ediblər.

interposta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26