Türkiyə ordusundan böyük şücaət: 3 şəhid, 7 yaralı...
Suriyanın Afrin şəhərinin Kəl Təpə adlanan ərazisində yaşanan şiddətli silahlı atışmalarda bir neçə türkiyəli hərbçinin şəhid olduğu, bir neçəsinin də yaralandığı bildirilib.
Axar.az xəbər verir ki, sözügedən ərazidə PKK/YPG terrorçuları tunellərdən hücuma keçməyə cəhd göstərib. Lakin türk ordusunun qətiyyətli və effektiv əməliyat tədbirləri nəticəsində terrorçuların qarşısı alınıb.
YPG-çilərin hücuma keçdiyi ərazi intensiv atəşə tutulub və havaya qalxan ATAK helikopterləri terrorçuların gizləndiyi ərazilərə aviazərbələr endirib.
Yaralı hərbçilərin Hataydakı xəstəxanalara aparıldığı bildirilib.
***
Aparılan əməliyyatlar zamanı 3 türk əsgəri şəhid olub, 7-si isə yaralanıb.
Hac Bilal kəndi ilə Kəl Təpə istiqamətində gedən döyüşlərdə 23 YPG-çinin də məhv edildiyi bildirilib.
Qeyd edilib ki, ordu qrupları irəliləyən zaman anidən tunellərdə 80-100-ə yaxın terrorçu hücuma keçib. Şiddətli atışmalar zamanı yaralıları ərazidən çıxarmaq istəyən bir helikopter də zədə alıb.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
