ABŞ Suriyada rus polkovnikini öldürdü –
Suriyada Əsəd rejiminin PKK-PYD mövqelərinə hücumu zamanı ölənlər arasında biri polkovnik olmaqla, 3 rus hərbçisi də olub.
Axar.az xəbər verir ki, bu barədə “Yeni Şəfəq” yazıb.
“Bölgə Suriyada ən zəngin neft yataqlarına sahibdir. Döyüşlərin əsas hədəfi Cafra, İsba və Tabiyada yerləşən zəngin neft-qaz yataqlarına sahib olmaqdır. Cümə gecəsi vurulan rejim mövqelərində 40-dan artıq İranla bağlantılı döyüşçü öldürülüb. Hadisənin yaşandığı ərazidə İŞİD ünsürləri olmayıb. Vurulan ərazilərdə bəzi rus əsgərləri də yaralanıb. Rus helikopterləri ölən və yaralı əsgərlərini Hmeymim hərbi bazasına daşıyıb”, - Deyr əz-Zordan olan aktivist Mahmud Əbu Firas deyib.
Qeyd edək ki, Suriyada Əsəd rejimi qüvvələri Deyr əz-Zor istiqamətində hücuma keçsə də, terrorçuların kəskin müqaviməti ilə rastlaşmışdı. ABŞ aviasiyası havadan PKK-PYD terrorçularına dəstək verərək, rejim qüvvələrinə zərbə endirmişdi.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
