Rusiya artıq “möcüzələr” yaradır - Çöküş
Rusiya iqtisadiyyatı 2014-cü ildən bu yana iqtisadi “antimöcüzə” yaradır.
Axar.az xəbər verir ki, bu iddia ilə “Rosbalt” agentliyi çıxış edib.
“Dünyanın ümumdaxili məhsulu 2015-2017-ci illər arasında kifayət qədər əmin şəkildə 10,3% artıb və 127 trilyon dollara çatıb. Rusiyanın ümumdaxili məhsulu isə bu illər ərzində 1,3% azalıb və təxminən 4 trilyon dollar (dünya ÜDM-sinin 3,1%-ni təşkil edib) təşkil edib. Cəmi üç il əvvəl Rusiyanın dünyanın ÜDM-ində çəkisi 3,5% idi. Əhali sayı yüksək olan ilk 10 dövlət arasında yalnız Braziliya 3 illik dövr ərzində Rusiyadan geri qalıb. Bu ölkələrdən 5-nin isə iqtisadi artım templəri dünyanın orta göstəricisindən çox olub. Əgər 2014-cü ildə Çin iqtisadiyyatı bizdən 4,7 dəfə çox idisə, keçən il bu göstərici 5,7 dəfəyə qalxıb. ABŞ iqtisadiyyatının bizlə müqayisədə böyüklüyü keçən il 4,9 dəfə artıb.
Üç il ərzində neft ticarətiylə məşğul olan ölkələrə baxaq. Bizim ölkədən daha pis göstəricini Venesuela göstərib. Onun iqtisadiyyatı qeyri-rəsmi rəqəmlərə görə 30% azalıb, rəsmi rəqəmlərə görə isə heç nə bilinmir. Keçmiş qardaşlarımız Polşa, Çexiya, Macarıstan, Rumıniya, Estoniya, Litva və Latviya isə üç ili pis keçirməyiblər. Bu ölkələrin hamısının dünya iqtisadiyyatında nüfuzu artıb. Bu ölkələrin hamısında (yalnız Rumıniyadan başqa) ÜDM-in adambaşına düşən payı Rusiyanı keçib”, – deyə məqalədə bildirilib.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
