MKİ Peterburqu xilas etdi: Putindən Trampa zəng
Rusiya Prezidenti Vladimir Putin bazar günü axşam saatlarında ABŞ lideri Donald Trampa zəng edib.
Axar.az xəbər verir ki, Putin MKİ-nin Peterburqda terakta hazırlaşan terrorçuların ələ keçirilməsində informasiya dəstəyi göstərdiyi üçün Trampa təşəkkür edib.
Kremlin yaydığı məlumatda telefon zənginin Putinin təşəbbüsü ilə gerçəkləşdiyi bildirilib.
“Putin bildirib ki, MKİ-dən alınan informasiya terrorçuların izinə düşməyə imkan verib. Putin Trampdan xüsusi təşəkkürünü MKİ direktoruna çatdırmağı da xahiş edib”, - məlumatda qeyd edilib.
Putin Trampla danışığında, həmçinin, Rusiya kəşfiyyatçılarının ABŞ-a qarşı hər hansı təhdid barədə informasiya əldə edəcəkləri təqdirdə dərhal amerikalı həmkarlarını məlumatlandıracaqlarını bildirib.
Qeyd edək ki, Sankt-Peterburqda terakt həyata keçirməyə çalışan İŞİD-ə bağlı 5 nəfər yaxalanıb.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
