Ərdoğana qarşı plan:
Milliyətçi Hərəkat Partiyasının keçmiş üzvü Meral Akşənər yeni partiya quracaq.
Bu barədə informasiyanı “Hürriyət” qəzeti yayıb. Qəzet yeni partiyanın adının Milliyətçi Türkiyə Partiyası olacağını açıqlayıb.
Maraqlıdır ki, bu xanım siyasətçini Avropanın nüfuzlu media qurumları da təbliğ edir. Britaniyanın “Faynənşl Tayms” qəzeti Türkiyədəki son referendumda Ədalət və İnkişaf Partiyasının “səs itirməsinin” ana müxalifət olan Cümhuriyyət Xalq Partiyası üçün fürsət olduğunu yazıb:
“CHP Ərdoğana qarşı etirazları aktivləşdirmək niyyətindədir. Lakin Türkiyədə AKP-yə qarşı ən böyük təhlükə sağ mərkəzçilər hesab edilir. Keçmiş daxili işlər naziri Akşənər bu mücadiləyə liderlik edəcək ən yaxşı namizəd ola bilər. Ekspertlər artıq Akşənərin həm radikal millətçilər, həm də islamçılardan dəstək ala biləcəyini iddia edirlər. İqtisadiyyatdakı geriləmə Akşənərə hakim partiyanın çoxsaylı tərəfdarını öz yanına çəkmək imkanı yarada bilər”.
Qeyd edək ki, Akşənər MHP sıralarında və türk millətçiləri arasında həddən artıq böyük nüfuza sahibdir./axar.az
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
