Interposta.Info

İlham Əliyevlə Paşinyan arasında Brüssel görüşü ləğv olundu

Siyasət / Manşet
 25-10-2023, 14:30     23 290


Azərbaycan və Ermənistan liderlərinin Brüsseldə görüşü baş tutmayacaq.

Qlobal.az xəbər verir ki, bu barədə Avropa İttifaqının Cənubi Qafqaz və Gürcüstan böhranı üzrə xüsusi nümayəndəsi Toivo Klaar "APRI Ermənistan" analitik mərkəzinin forumunun iştirakçılarına videomüraciətində bildirib.

Klaarın sözlərinə görə, vaxt az olduğu üçün görüş baş tutmayacaq: "Biz Brüsseldə Azərbaycan Prezidenti İlham Əliyevlə Ermənistan baş naziri Nikol Paşinyan arasında görüş təşkil etməyə çalışırıq. Prosesin ləng getməsinə baxmayaraq, inanırıq ki, bu, sənəd imzalanması ilə nəticələnəcək".

Bundan əvvəl Avropa İttifaqı rəhbəri Şarl Mişel bildirmişdi ki, İlham Əliyev və Nikol Paşinyan oktyabrın sonunda Brüsseldə keçiriləcək üçtərəfli görüşdə iştirak etmək barədə razılığa gəliblər.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26