Interposta.Info

Zaxarova Ermənistan rəhbərliyini tənqid etdi və üçtərəfli bəyanatları yerinə yetirməyə çağırdı

Siyasət / Manşet
 12-09-2023, 17:14     272

"Cəmi iki gün əvvəl Rusiyanın xarici işlər naziri Sergey Lavrov Ermənistanda artan anti-Rusiya ritorikasına münasibət bildirib. Ritorika vəziyyəti həll etməyə kömək edən olmalıdır. Qızışdırmaq, alovlandırmaq, parçalamağa artıq hamı öyrəşib”.

Bunu Rusiya Xarici İşlər Nazirliyinin sözçüsü Mariya Zaxarova "Komsomolskaya Pravda” nəşrinə müsahibəsində son günlər Ermənistanda artan anti-Rusiya ritorika ilə də bağlı sualı cavablandırarkən bildirib.

O vurğulayıb ki, heç də hər kəs barışmağı, kömək etməyi, bərpa etməyi, birləşməyi bacarmır: "Bunun uğrunda səy göstərmək, çalışmaq lazımdır”.

Rusiya XİN rəsmisi son günlər Ermənistanda və Azərbaycanın Qarabağ iqtisadi rayonunda baş verənlərə də münasibət bildirib.

Jurnalistin "İndiki çıxılmaz vəziyyətdən sülh yolu ilə çıxmaq şansı varmı” sualına Zaxarova belə cavab verib: "Bu sülh şansı Rusiyanın vasitəçiliyi ilə hazırlanan üç sənəddə öz əksini tapıb. Moskvanın və şəxsən Rusiya prezidenti Vladimir Putinin səyləri nəticəsində sənəd nizamlanma kateqoriyasına keçib. Hamı onu razılaşdırıb və 2020-ci ildən bəri bu sənədlərin aktuallığını və onların tarixi rolu dəfələrlə qeyd edilib. Sadəcə olaraq, onları həyata keçirmək lazımdır”.//report.az

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26