Interposta.Info

Rəsmi Parisdən ermənilərin Azərbaycan səfirliyinə hücumuna REAKSİYA - FOTO

Siyasət / Manşet
 20-09-2022, 10:16     677

“Biz Azərbaycanın Parisdəki səfirliyini hədəf alan qəbuledilməz insidentlərdən təəssüf hissi keçiririk”.

Bu barədə Fransanın Azərbaycandakı səfiri Zakari Qrosun sosial şəbəkə hesabında da paylaşdığı Fransa XİN-in bəyanatında qeyd olunur.

“Fransa səlahiyyətliləri səfirliyin təhlükəsizliyini bərpa etmək və onun normal fəaliyyətini təmin etmək üçün bütün tədbirləri görüblər. Belə hadisələrin bir daha baş verməməsi üçün ayıq-sayıqdırlar”, - deyə qurumdan vurğulanıb.

Xatırladaq ki, sentyabrın 18-də ermənilər Azərbaycanın Fransadakı səfirliyinə basqın ediblər.

Sentyabrın 19-da Fransanın Azərbaycandakı səfiri Zakari Qros Xarici İşlər Nazirliyinə çağırılıb və görüş zamanı bir gün öncə Fransadakı Azərbaycan səfirliyinə qarşı bu ölkədəki radikal erməni qrupları tərəfindən törədilən hücumla bağlı XİN-in etiraz notası Fransa səfirinə təqdim edilib.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26