Səfirimizi və AzTV-nin müxbirini pivəxanadan güclə çıxardılar -
Azərbaycanın Ukraynadakı səfiri Azər Xudiyev Xarkov şəhərində xoşagəlməz münasibətlə üzləşib.
interposta.info ölkə.az-a istinadən xəbər verir ki, hadisə Xarkovda fəaliyyət göstərən pivəxanalardan birində baş verib.
Belə ki, səfir Azər Xudiyev, Birləşmiş Ukrayna Azərbaycanlıları Konqresinin sədri, Ukrayna Millətlər Assambleyasının prezidenti, iş adamı Rövşən Tağıyev və AzTV-nin Ukrayna və Şərqi Avropa ölkələri üzrə xüsusi müxbiri Mövsüm Aslanov Xarkovda pivəxanada yeyib-içiblər. Ancaq məkanın sahibi azərbaycanlıları oradan zorla çıxarıb.
Pivəxana sahibi səbəb kimi Azər Xudiyevin, Rövşən Tağıyevin və Mövsüm Aslanovun həddən çox içkili vəziyyətdə olmasını göstərib.
Bu hadisə yaşanan zaman sözügedən pivəxanada bir neçə başqa azərbaycanlı da olub.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
