Zahid Orucun STM-dəki vəzifələrini onun keçmiş müavini icra edəcək - YENİLƏNİB + FOTO

Zahid Orucun vəzifələrinin icrası Sosial Tədqiqatlar Mərkəzinin İdarə Heyətinin digər üzvünə həvalə edilib.

"İnterPosta"-nın məlumatına görə, onun vəzifələrini müvəqqəti olaraq sədrin birinci müavini, İdarə Heyətinin üzvü Elşad Mirbəşirov icra edəcək.

13:40

Azərbaycan Respublikası prezidentliyinə namizədliyi qeydə alınan Zahid Oruc Sosial Tədqiqatlar Mərkəzi İdarə Heyətinin sədri vəzifəsi üzrə vəzifələrinin icrasını dayandırıb.
Bu barədə STM-dən bildirilib.

Mərkəzi Seçki Komissiyasının 6 yanvar 2024-cü il tarixli qərarı ilə 2024-cü il fevralın 7-nə təyin edilən növbədənkənar prezidenti seçkisində Zahid Məhərrəm oğlu Oruc namizəd kimi qeydə alınıb.

7 yanvar 2024-cü il tarixindən Azərbaycan Respublikasının Seçki Məcəlləsinin 69.2-ci maddəsinin tələbinə uyğun olaraq, prezidenti seçkisində namizədliyi qeydə alınmış Zahid Məhərrəm oğlu Oruc “Sosial Tədqiqatlar Mərkəzi” Publik Hüquqi Şəxsin İdarə Heyətinin sədri vəzifəsi üzrə xidməti vəzifələrinin icrası ödənişsiz məzuniyyətə göndərilməklə müvəqqəti dayandırıb.

Zahid Oruc Azərbaycan Respublikasının Seçki Məcəlləsinin 70.1-ci maddəsinə əsaslanaraq və Azərbaycan Respublikasının Əmək Məcəlləsinin 130-cu maddəsinə uyğun olaraq qeydə alındığı gündən seçkilərin nəticələrinin rəsmi dərc edildiyi günədək ərizəsində göstərilən müddət üzrə ödənişsiz məzuniyyət götürüb.

İnterPosta.info