Interposta.Info

Aşura günü rabitə qülləsinə qara bayraq asan şəxs həbs edildi
 

Ölkə
 28-07-2023, 17:23     151

Sabunçu rayonunun Ramana qəsəbəsində rabitə qülləsinə qara bayraq asan şəxs həbs edilib.

Bu barədə DİN-in Mətbuat xidmətindən Qaynarinfo-ya bildirilib. Qeyd edilib ki, "Dini etiqad azadlığı haqqında” Azərbaycan Respublikasının qanununa əsasən bütün dini mərasimlər yalnız məscid, ziyarətgah və onlara aid ərazilərdə keçirilməlidir.

"Qanunvericiliyin tələblərinə zidd olaraq, iyulun 28-də günorta saatlarında Sabunçu rayonu Ramana qəsəbəsində rabitə qülləsinə qara bayraq asılması müşahidə olunub. Polis əməkdaşları tərəfindən həmin əməli törədən 1983-cü il təvəllüdlü Hüseynov Samid müəyyən olunaraq həbs edilib.

İnsanların dini etiqad azadlığına dərin hörmətimizi ifadə edərək, vətəndaşlarımızı qanunverciliyin tələblərini anlayışla qarşılamağa çağırır və qabaqcadan təşəkkürlərimizi çatdırırıq”, - açıqlamada vurğulanıb.

InterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26