Interposta.Info

Bağ evində qumar oyunlar təşkil edildi, “Bandotdel” əməliyyat keçirdi - MƏHKƏMƏ

 

Ölkə
 10-06-2023, 20:42     141

Bakı Apellyasiya Məhkəməsində qumar oyunlarının təşkili və ya keçirilməsində təqsirləndirilən A.Bayramovun barəsindəki hökmdən verilən apellyasiya şikayətinə baxılıb.

Pravda.az-ın əldə etdiyi məlumata görə, hakim Elbəy Allahverdiyevin sədrliyi ilə keçirilən prosesdə qərar elan olunub.

Qərara əsasən, onun şikayəti təmin edilməyib.

Xəzər Rayon Məhkəməsinin hökmü ilə A.Bayramova 6 000 manat miqdarında cərimə cəzası təyin edilib.

İttihama görə, A.Bayramov tamah məqsədilə gəlir əldə etmək üçün yaşadığı Bakı şəhəri, Xəzər rayonu, Şağan qəsəbəsi, Yeni sahədə yerləşən fərdi bağ evində 2022-ci ilin avqust ayından etibarən qumar oyunları, yəni pul vəsaitləri, maddi və sair nemət (uduş) barəsində oynanılan və uduşu qeyri-müəyyənlikdən və ya təsadüfdən asılı olan oyunlar təşkil edərək keçirib.

Belə ki, 3 noyabr 2022-ci il tarixdə həmin ünvanda yerləşən mənzilin qonaq otağında özü ilə birlikdə müştərilərlər olan bir neçə şəxsə şərait yaradıb pul uduşlu qumar oyunlarının keçirilməsi üçün yer təşkil edərək saxlayıb. Bu barədə daxil olmuş məlumat əsasında Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşları tərəfindən həmin gün saat 22:00 radələrində əməliyyat-axtarış tədbiri keçirilib.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26