Interposta.Info

Naxçıvan polisinə tabe olmayanlar həbs olundu

Ölkə
 2-03-2023, 23:51     248

Naxçıvanda polisin qanuni tələbinə tabe olmayan 2 nəfər inzibati həbs olunub.

APA-nın Naxçıvan bürosu xəbər verir ki, Şərur RPİ-nin Dövlət Yol Polisi qrupunun əməkdaşları tərəfindən Şərur şəhərində keçirilən profilaktiki tədbir zamanı saxlanılan "VAZ-2107” markalı avtomobilin sürücüsünün sürücülük vəsiqəsi olmadan nəqliyyat vasitəsini idarə etməsi məlum olub.

Avtomobil müvəqqəti duracağa aparılarkən sürücü, Şərur rayon sakini Mahir Cabbarov və qardaşı Azadi Cabbarov polis əməkdaşlarının qanuni tələbinə tabe olmadıqlarından onlar Şərur Rayon Polis İdarəsinə təhvil veriliblər. Onların barəsində İnzibati Xətalar Məcəlləsinin 535.1-ci maddəsinə əsasən inzibati protokol tərtib olunub.

Şərur rayon məhkəməsinin qərarı ilə M.Cabbarov 8 gün, A.Cabbarov isə 10 gün müddətinə inzibati qaydada həbs olunublar

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26