Interposta.Info

Orxan Əsgərovun dəfni sabah olacaq  

Ölkə / Manşet
 28-01-2023, 13:00     266

“Orxanın dəfni sabah olacaq”.

Bunu Oxu.Az-a açıqlamasında Azərbaycanın İrandakı səfirliyinə edilən terror hücumu zamanı şəhid olan mühafizə xidmətinin rəisi, baş leytenant Orxan Əsgərovun atası Rizvan Əsgərov deyib.

Onun sözlərinə görə, bu gün 14:00 radələrində təyyarə Bakıdan İrana uçacaq:

“Cənazə axşam Bakıya gətiriləcək. Dəfnin sabah olacağına özüm qərar vermişəm. Övladım mənimdir, özüm bu qərara gəlmişəm”.

R.Əsgərov Orxanın orada bir ildən çox xidmət etdiyini bildirib:

“Ailəlidir. İki övladı var. Qızının 16, oğlunun səkkiz yaşı var. Cənazənin dəqiq nə vaxt gətiriləcəyi bilinmir”.

Qeyd edək ki, Orxan Əsgərov İkinci Şəhidlər xiyabanında dəfn olunacaq.

İnrüePosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26