Bakının seysmik mikrorayonlaşdırılması xəritəsi hazırlanır
Bakı şəhərinin seysmik mikrorayonlaşdırılması xəritəsi hazırlanır.
Bunu APA-ya açıqlamasında Azərbaycan Milli Elmlər Akademiyasının Respublika Seysmoloji Xidmət Mərkəzinin baş direktoru Qurban Yetirmişli deyib. Onun sözlərinə görə, Bakı seysmik baxımdan mürəkkəb quruluşa malikdir:
"Bu səbəbdən proses hazırda davam edir və uzunmüddətlidir. Bu proses 3-4 il davam edə bilər. Məsələn, Yasamal rayonunun bir tərəfi 6, bir tərəfi 7 bal gücündə zəlzələyə davamlı ola bilər. Bakı ərazisində olan bütün tikililərlə bağlı məlumatlar seysmik mikrorayonlaşdırılma xəritəsində öz əksini tapacaq”.
Q. Yetirmişli deyib ki, prosesin gedişatında əvvəlcə Bakının ayrı-ayrı rayonlarının seysmik göstəriciləri müəyyən edilir. O əlavə edib ki, bu zaman tikililərə verilən seysmik rəylər də nəzərə alınır.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26