Interposta.Info

Sabiq icra başçısı xəstəxanaya yerləşdirildi, əməliyyat olundu

Ölkə / Manşet
 1-03-2022, 11:22     116


Yevlax rayonunun həbsdə olan sabiq icra başçısı Qoca Səmədov növbəti dəfə ürək əməliyyatı olunub.

APA-nın əldə etdiyi xəbərə görə, ürəyində yaranmış problemdən əziyyət çəkən sabiq icra başçısı Bakı Sağlamlıq Mərkəzinə köçürülüb.

Qoca Səmədovun vəkili Elnur Vəliyev APA-ya məlumatı təsdiq edib. Vəkil bildirib ki, müvəkkilinin təcili olaraq əməliyyat olunma zərurəti yarandığı üçün müalicə müəssisəsindən Bakı Sağlamlıq Mərkəzinə köçürülüb: "Həkimlərin rəyinə əsasən vəziyyəti qənaətbəxş deyil".

Qeyd edək ki, sabiq icra başçısı bundan əvvəl iki dəfə Mərkəzi Klinik Xəstəxanada ürək əməliyyatı keçirib.

Xatırladaq ki, Qoca Səmədov 2019-cu ildə Dövlət Təhlükəsizliyi Xidməti (DTX) tərəfindən keçirilən xüsusi əməliyyatla saxlanılıb.

O, vəzifə səlahiyyətlərindən sui-istifadə etmə, külli miqdarda təkrar rüşvət alma, mənimsəmə və digər faktlara görə təqsirli bilinərək Şəki Ağır Cinayətlər Məhkəməsinin hökmü ilə 7 il 3 ay azadlıqdan məhrum edilib.

Sonradan Şəki Apellyasiya Məhkəməsi təqsirləndirilən şəxsin səhhətini nəzərə alaraq həbs müddətini 6 ilə endirib.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26