Interposta.Info

İlham Əliyev Cəbrayıl şəhərinin bərpasının təməl daşını qoydu
 

Ölkə / Manşet
 4-10-2021, 14:35     163

Azərbaycan Respublikasının Prezidenti İlham Əliyev oktyabrın 4-də Cəbrayıl rayonunda səfərdə olub.

"İnterPosta" xəbər verir ki, səfər zamanı Azərbaycan Prezidenti İlham Əliyev Cəbrayıl Memorial Kompleksinin təməl qoyulma mərasimində iştirak edib.

Dövlət başçısı Cəbrayıl şəhərinin bərpasının da təməl daşını qoyub.

Daha sonra Prezident Cəbrayıl Rayon Mərkəzi Xəstəxanasının, məktəb binasının və Cəbrayıl şəhərində ilk çoxmənzilli yaşayış məhəlləsinin təməllərini qoyub.

İlham Əliyev bundan başqa Dövlət Sərhəd Xidmətinin hərbi hissə kompleksinin açılışında iştirak edib.

Bu gün Prezident İlham Əliyev Cəbrayıl rayonunda "KamAZ” markalı yük avtomobilləri üçün servis mərkəzinin təməlini qoyub.

Servis mərkəzini Rusiyaya məxsus "KamAZ” ASC ilə Azərbaycana məxsus "Gəncə Avtomobil Zavodu” İstehsalat Birliyi birgə yaradır.

Prezident "Araz Vadisi İqtisadi Zonası” Sənaye Parkının da təməl qoymasında iştirak edib.

Qeyd edək ki, Yeni sənaye parkı Zəngəzur iqtisadi rayonunda yaradılacaq.

Təməlqoyma mərasimi dövlət başçısının Cəbrayıl rayonuna səfəri çərçivəsində baş tutub.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26