Interposta.Info

Şəhid ailə üzvləri, xəsarət almış hərbçilərlə bağlı vahid əlaqələndirmə mərkəzləri yaradılır (FƏRMAN)

Ölkə
 25-06-2021, 18:49     446

Prezident İlham Əliyev "Şəhid ailələri üzvlərinin, müharibə ilə əlaqədar xəsarət almış hərbi qulluqçuların və əlilliyi müəyyən edilmiş şəxslərin müraciətləri üzrə vahid əlaqələndirmə mərkəzlərinin yaradılması və fəaliyyətinin təşkili haqqında" fərman imzalayıb.

"İnterPosta"xəbər verir ki, fərmanla şəhid ailələrinin üzvlərinə, müharibə ilə əlaqədar xəsarət almış hərbi qulluqçulara və əlilliyi müəyyən edilmiş şəxslərə göstərilən xidmətlərin vahid məkandan həyata keçirilməsini təmin etmək məqsədilə "Şəhid ailələri üzvlərinin, müharibə ilə əlaqədar xəsarət almış hərbi qulluqçuların və əlilliyi müəyyən edilmiş şəxslərin müraciətləri üzrə vahid əlaqələndirmə mərkəzləri” (bundan sonra – Mərkəz) yaradılır.

"Şəhid ailələri üzvlərinin, müharibə ilə əlaqədar xəsarət almış hərbi qulluqçuların və əlilliyi müəyyən edilmiş şəxslərin müraciətləri üzrə vahid əlaqələndirmə mərkəzlərində göstərilən xidmətlərin və həmin xidmətləri göstərən dövlət orqanlarının (qurumlarının) siyahısı” təsdiq edilib.

"Şəhid ailələri üzvlərinin, müharibə ilə əlaqədar xəsarət almış hərbi qulluqçuların və əlilliyi müəyyən edilmiş şəxslərin müraciətləri üzrə vahid əlaqələndirmə mərkəzlərində xidmət göstərilməsi Qaydası” təsdiq edilib.

Azərbaycan Respublikasının Əmək və Əhalinin Sosial Müdafiəsi Nazirliyi (bundan sonra – Nazirlik) bu Fərmanın 2-ci hissəsi ilə təsdiq edilən siyahıda nəzərdə tutulmuş dövlət orqanlarının (qurumlarının) həmin siyahıda göstərilmiş xidmətlər üzrə fəaliyyətinin əlaqələndirilməsi və müraciətlərin icra vəziyyətinin monitorinqi üzrə əlaqələndirici orqan qismində müəyyən olunub.

Müəyyən edilib ki:

- Mərkəzdə xidmətlər "bir pəncərə”, həmçinin operativlik, vətəndaş məmnunluğu, şəffaflıq, nəzakətlilik, məsuliyyət və rahatlıq prinsipləri əsasında göstərilir;

- Mərkəzdə xidmətlər birbaşa (yerində), "Çağrı mərkəzi” vasitəsilə və səyyar formada təşkil edilir.

- Mərkəzin fəaliyyəti ilkin mərhələdə Nazirliyin tabeliyindəki Dayanıqlı və Operativ Sosial Təminat Agentliyinin "DOST” mərkəzlərində, daha sonra xidmət göstəriləcək şəxslərin sayı nəzərə alınmaqla, digər inzibati ərazi vahidləri üzrə Nazirliyin yerli qurumlarının inzibati binalarında təşkil edilsin.

Bu Fərmanın 2-ci hissəsi ilə təsdiq edilən siyahıda nəzərdə tutulmuş dövlət orqanları (qurumları):

- Mərkəzdən daxil olmuş müraciətlərin icrasını, o cümlədən vaxtında və tam (əhatəli) cavablandırılmasını təmin etmək məqsədilə mövcud ştat vahidləri çərçivəsində müvafiq struktur bölməsi yaratsınlar və ya bununla bağlı səlahiyyətləri mövcud struktur bölməsinə həvalə etsinlər;

- bu Fərmanın 2-ci hissəsi ilə təsdiq edilən siyahıda nəzərdə tutulmuş xidmətlərin göstərilməsinin və hüquqmüəyyənedici sənədlərin verilməsinin Mərkəz vasitəsilə həyata keçirilməsini təmin etmək üçün Mərkəzin fəaliyyət göstərdiyi yerləri dövlət büdcəsində aidiyyəti dövlət orqanları (qurumları) üçün müəyyən edilmiş büdcə təxsisatları çərçivəsində zəruri işçi qüvvəsi, texniki kommunikasiya və informasiya resursları ilə təmin etsinlər, habelə həmin resursların zəruri dövlət informasiya sistemlərinə (ehtiyatlarına) çıxışını təşkil etsinlər;

- bu Fərmandan irəli gələn digər məsələləri həll etsinlər.

Nazirlər Kabineti:

- bu Fərmanın 2-ci hissəsi ilə təsdiq edilən siyahıda göstərilmiş dövlət orqanlarının (qurumlarının) fəaliyyətinin əlaqələndirilməsinin həyata keçirilməsi məqsədilə Azərbaycan Respublikasının əmək və əhalinin sosial müdafiəsi nazirinin rəhbərliyi ilə həmin dövlət orqanları (qurumları) rəhbərlərinin müavinlərinin təmsil olunduğu Əlaqələndirmə Komissiyasının yaradılmasını təmin etsin;

- bu Fərmandan irəli gələn digər məsələləri həll etsin.

Nazirlik:

- bu Fərmanın 2-ci hissəsi ilə təsdiq edilən siyahıda göstərilmiş dövlət orqanlarının (qurumlarının) əməkdaşlarının Mərkəzdə müvafiq xidmətlər göstərmələri üçün zəruri şərait yaradılmasını və digər tədbirlər görülməsini təmin etsin;

- Mərkəzdə xidmət göstərəcək dövlət orqanlarının (qurumlarının) informasiya sistemləri arasında əlaqələndirməni Elektron Hökumət İnformasiya Sistemi vasitəsilə həyata keçirməklə Nazirliyin Mərkəzləşdirilmiş elektron informasiya sistemində müvafiq dəyişikliklər edilməsini üç ay müddətində təmin etsin;

- bu Fərmanın 2-ci hissəsi ilə təsdiq edilən siyahıda göstərilmiş dövlət orqanlarının (qurumlarının) fəaliyyətinin əlaqələndirilməsi, Mərkəzə daxil olan müraciətlərin icra vəziyyətinin monitorinqi və onların icrasına dair hesabatlılığın təmin edilməsi məqsədilə Katiblik yaratsın;

- Mərkəzin fəaliyyəti barədə ildə iki dəfə Azərbaycan Respublikasının Prezidentinə məlumat versin;

- bu Fərmandan irəli gələn digər məsələləri həll etsin.

dövləttəsdiqtəminüzrəsiyahıdamüəyyənqurumlarınınfərmanınhissəsiedilənedilmişorqanlarınındigərəlilliyihərbialmışxəsarətetsinəlaqədarşəxslərin
Bizi Telegramda oxuyun!
ANDROID üçün QAYNAR tətbiqi YÜKLƏ!
iOS üçün QAYNAR tətbiqi YÜKLƏ!


Məşhur McAfee antivirusunun yaradıcısı həbsxanada intihar etdi - Son fotosu

Məşhur McAfee antivirusunun yaradıcısı həbsxanada intihar etdi - Son fotosu

Məşhur McAfee antivirusunun yaradıcısı 75 yaşlı Con Makafi ABŞ-a təhvil verilməsini gözlədiyi Barselona həbsxanasında ölüb. O, bir neçə ildir vergi bəyannamələrini gizlətməkdə günahlandırılırdı, buna görə onu Ştatlarda 30 ilə qədər həbs cəzası gözləyirdi.

Qaynarinfo xəbər veirr ki, Con Makafi uzun müddət hakimiyyətlərlə problem yaşayırdı: 2009 böhranından sonra əmanətlərinin böyük hissəsini itirmişdi və az vergi ödəmək üçün Mərkəzi Amerikadakı Belizə köçmüşdü. 2012-ci ildə orada qonşusunun ölümündə iştirak etməkdə günahlandırıldı, bundan sonra proqramçı Qvatemalaya qaçdı. Ölkə rəhbərliyi onu ABŞ-a təhvil verdi və burada ittihamlar ləğv edildi. Ancaq bu yaxınlarda, vergi qaçağı olaraq axtarışa verildi, nəticədə Makafi İspaniya həbsxanasına yerləşdirildi. Səlahiyyətli orqanların verdiyi məlumata görə, o, ekstradisiya qərarını eşidəndən sonra intihar edib.

Məşhur antivirusdan əlavə Con Makafinın anonim Ghost kriptovalyutasının yaradılmasında və bakteriyalarda kvorumu hiss etmək qabiliyyəti üzrə ixtisaslaşmış QuorumEx şirkətinin qurulmasında əli olduğu bildirilir.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26