Bu küçənin sakinləri 20 ildir su üzünə həsrətdir
Sabunçu rayon Maştağa qəsəbəsi Nizami küçəsi döngə 6 ünvanında yaşayan sakinlər təxminən 20 ildir ki, içməli sudan məhrumdurlar.
"İnterPosta" BAKU.TV-yə istinadən xəbər verir ki, adətən su problemi olan qəsəbələrdə məsul qurum tərəfindən səbəb kimi yaşayış massivi yeni salınıb və ya uzaqda olması göstərilir.
Bura ki, uzaq deyil. Maştağa qəsəbəsinin tam mərkəzidi. Məsələ ilə bağlı Azərsu ASC-dən Abşeron yarımadası üzrə baş planın olduğunu və mərhələli şəkildə həmin əraziyə də su çəkiləcəyi bildirildi.
Problemin nə az, nə çox 20 ildir ki, mövcud olması, artıq bu sakinləri də hövsələdən çıxarıb. Həm havaların istiləşməsi, həm də pandemiya onların suya olan ehtiyacını daha da artırıb. Hər biri inamsız şəkildə aidiyyəti qurumun sözünə əməl edəcəyi günü gözləyir.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
