Interposta.Info

Karantini pozan Nura Suri cəzalandırıldı

Ölkə / Maqazin
 14-07-2020, 22:35     413

İyulun 14-də Qusar-Quba yolunda xidmətdə olan polis əməkdaşları "Porsche Cayenne” markalı avtomobili nəzarət qaydasında saxlayıblar.

Bu barədə "İnterPosta"-ya Daxili İşlər Nazirliyinin (DİN) Mətbuat Xidmətindən məlumat verilib.

Belə ki, sürücü Bakı şəhər sakini Aynurə Surinin (Nura Suri) və sərnişini paytaxt sakini Təranə Axundovanın təqdim etdikləri sənədlər yoxlanılarkən onların xüsusi karantin rejimi dövründə verilən icazədən sui-istifadə etmələri müəyyən edilib.

A.Suri və T.Axundova 16 gün – iyun ayının 28-dən iyul ayının 14-nə kimi Qusar rayonu ərazisindəki istirahət mərkəzində istirahətdə olublar. Ona görə hər iki şəxs barəsində İnzibati Xətalar Məcəlləsinin 211.1-ci maddəsi ilə protokol tərtib olunaraq hər biri 200 manat məbləğində cərimə olunublar.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26