Azərbaycanın məşhur şirkəti müflis oldu
Azərbaycanın tanınmış ödəniş sistemlərindən olan "Easypay" müflis olduğunu elan edib.
Ena.az xəbər verir ki, şirkət bununla bağlı məhkəməyə müraciət edib.
"Easypay MMC-nin müflis elan olunmasına dair ərizəsi üzrə işə 2 saylı Bakı İnzibati-İqtisadi Məhkəməsində baxılacaq", - şirkətdən bildirilib.
Qeyd edək ki, bir neçə gün əvvəl "Bank BTB" Easypay MMC-ni məhkəməyə vermişdi. Bank MMC-ni müqavilələrdə əmələ gələn öhdəliklər üzrə mübahisəyə görə məhkəməyə verib. Amma iddia geri qaytarılıb. Məsələ ondadır ki, iddia texniki səbəblə - idida ərizəsinin səlahiyyətli şəxs tərəfindən imzalanmamasına görə qəbul edilməmişdi.
"Easypay" MMC-nin Bakıda 100-ə yaxın ödəniş terminalı var. Burada mobil və stasionar telefon, sığorta, kommunal xidmətlərin haqları, kabel TV və internet, Dövlət İmtahan Mərkəzi və sair ödənişləri etmək mümkün idi. Hazırda şirkət ödənişlərin qəbulunu da dayandırıb.
İnterPosta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
