Interposta.Info

Atalarını “yola salıb”, özləri “parlayan” keçmiş nazirlərin biznesmen övladları

Ölkə
 14-11-2018, 12:07     10 530

İnterPosta.İnfo Bakı şəhər,14.11.2018; Azxeber.com sabiq nazirlərin biznesmen övladları ilə bağlı araşdırma aparıb.

Araşdırma nəticəsində məlum olub ki:

Sabiq Milli Təhlükəsizlik naziri Eldar Mahmudovun oğlu Anar Mahmudov "Caspian Crystal” şirkətlər qrupunun sahibidir. Atasının işdən çıxarılması və əsas kadrlarının həbsindən sonra şirkətin aqibəti ilə bağlı hər hansı məlumat olmasa da, zamanında bu şirkət ölkənin ən böyük biznes müəssisələri sırasında yer alıb. Şirkətlər qrupunun törrəmə müəssisəsi - "Crystal Motors” "Range Rover”, "Jaquar”, "Maserati” kimi dünya avtomobil markalarının Azərbaycanda rəsmi distribütoru olub.

Atalarını “yola salıb”, özləri “parlayan” keçmiş nazirlərin biznesmen övladları


Sabiq Nəqliyyat naziri Ziya Məmmədovun oğlu Anar Məmmədov "Garant Holdinq”ə rəhbərlik edir. Bakı şəhəri, Sarabski küçəsi, məhəllə 657-də yerləşən şirkətlər qrupunun tərkibinə "Qarant Sığorta”, "Azbentonit”, "Ucar Aqro”, "M.Trans”, "Quba Resort” və digər şirkətlər daxildir.

Atalarını “yola salıb”, özləri “parlayan” keçmiş nazirlərin biznesmen övladları


Sabiq Rabitə və Yüksək Texnologiyalar naziri Əli Abbasovun oğlu Eldar Abbasovun Londonda şirkət yaratması ilə bağlı son günlər mətbuatda çeşidli informasiyalar yayılıb. İddialara görə, həmin şirkət Birləşmiş Krallıq, London, City Road 160, Kemp House ünvanında yerləşir. Mətbuata açıqlamasında Eldar Abbasovun oğlu isə bu informasiyaları təkzib edib.

Atalarını “yola salıb”, özləri “parlayan” keçmiş nazirlərin biznesmen övladları


Sabiq Energetika naziri, mərhum Natiq Əliyevin oğlu Fərhad Əliyev də iş adamıdır. Onun əsasən Türkiyədə fəaliyyət göstərdiyi deyilsə də, konkret hansı şirkətə sahib olduğu ictimaiyyətə məlum deyil. "Avroviziya” mahnı müsabiqəsində ölkəmizi təmsil edən müğənni Səfurə Əlizadə ilə evli olan Fərhad Əliyevin xanımı da paralel olaraq bizneslə məşğul olur.

Atalarını “yola salıb”, özləri “parlayan” keçmiş nazirlərin biznesmen övladları


Sabiq Kənd Təsərrüfatı naziri Heydər Əsədovun qızı Fəridə Məmmədova sahibkarlıq fəaliyyəti ilə məşğuldur. Paytaxtda məşhur moda evlərindən birini işlədən Fəridə Məmmədova sabiq Nəqliyyat naziri Ziya Məmmədovun oğlu Anar Məmmədovun həyat yoldaşıdır.

Atalarını “yola salıb”, özləri “parlayan” keçmiş nazirlərin biznesmen övladları


Sabiq Əmək və Əhalinin Sosial Müdafiə naziri Səlim Müslümovun oğlu Turqay Müslümlünün "Orion Group Azerbaijan” şirkətinə rəhbərlik etdiyi deyilir. "Edinburq” Universitetinin Maliyyə fakültəsini bitirən keçmiş nazir oğlu əsas diqqətini öz peşəsinə yönəldib və rəhbəri olduğu şirkət də bu istiqamətdə fəaliyyət göstərir.

Atalarını “yola salıb”, özləri “parlayan” keçmiş nazirlərin biznesmen övladları


Sonda bildirək ki, yazıda qeyd olunan məqamlar indiyə qədər mətbuatda dərc olunan və təkzib olunmayan informasiyalar əsasında hazırlanıb.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26