22 il həbsdə yatan Nadir Səlifov bu dəfə 20 gün yatdı -
Bu ayın 8-də İstanbulda saxlanılmış "Lotu Quli" ləqəbli kriminal avtoritet Nadir Səlifov bu gün çıxaırldığı məhkəmədə azadlığa buraxılıb. Qeyd edək ki, onun oktyabrın 9-da azadlığa buraxılması xəbəri yayılmışdı, ancaq təfərrüatlı məlumat almaq mümkün olmamışdı. Həmin vaxt bildirilirdi ki, hazırda N.Səlifov Miqrasiya idarəsindədir və bəzi sənədləşmə prosedurundan keçir.
Sadəcə, N.Səlifovun hansısa başqa ölkəyə ekstradisiya edilməsi təhlükəsinin olmadığı bildirilirdi.
İndi məlum olub ki, həmin vaxt onu azad etməyiblər, barəsində araşdırmalar aparmaqda davam ediblər. Bu gün isə sabiq məhkumun azadlığa buraxılması qərara alınıb.
Xatırladaq ki, Türkiyənin aparıcı media qurumlarının dünən yaydığı xəbərə görə, onu Rusiya dövlətindən edilən şikayətlər əsasında saxlamışdılar və bəzi mətbuat orqanları N.Səlifovun Azərbaycana ekstradisiya ediləcəyini yazmışdı.
Ancaq Musavat.com-a bilgili qaynaqlardan məlum olmuşdu ki, Azərbaycan tərəfinin belə bir tələbi olmayıb, çünki N.Səlifov öz cəzasını bir il öncə başa çatdıraraq azadlığa buraxılıb və ölkəni tərk edib.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
