Interposta.Info

Araz Ağalarov “Rusiyanın mülk kralları” reytinqində

Ölkə
 28-01-2018, 00:22     10 512

Nüfuzlu biznes nəşri “Forbes” “Rusiya mülkünün kralları” reytinqini və ya “Rantye Reytinq-2018”i elan edib

Orada Rusiya ərazisində ticarət mülkləri olan həm Rusiya, həm də xarici sahiblər-iş adamları təmsil olunublar.

Rusiya biznesmeni, azərbaycanlı Araz Ağalarov Rusiya rantyesinin Top 5-liyinə düşüb.

Hər bir iştirakçının yeri 2017-ci ildə ona aid olan mülkün gətirdiyi gəlirə görə təyin edilib. Başqa biznes sahələrindən gələn gəlirlər nəzərə alınmayıb.

Tərtibçilərin qeyd etdiyi kimi, qiymətləndirmə vaxtı onlar icarəçilərin, konsaltinq şirkətlərinin, həmçinin bu sahə üzrə internet-resursların, müvafiq informasiya sistemlərinin, eləcə də Moskva hökumətinin və regional hakimiyyət orqanlarının məlumatlarına əsaslanıblar.

Reytinqin birinci pilləsi Zarax İliyevə və Qod Nisanova məxsus “Kiyevskaya ploşad” şirkətinə qismət olub. Kirayə verilmiş mülkün sayəsində onlar bir il ərzində 1 milyard 535 milyon dollar qazanıblar.

İkinci pilləni 840 milyon dollara İnqvard Kompradın “İKEA.Mos” şirkəti tutub.

Samvel Karapetyanın “Taşir” şirkəti 650 milyon dollarla üçüncü olub.

Mixail Qutseriyev və Sait-Salam Qutseriyevə məxsus “Safmar” 600 milyon dollarla dördüncü mövqedə qərarlaşıb.

Və nəhayət, beşinci pillədə 370 milyon dollar gəlirlə Araz Ağalarovun “Crocus Group” şirkətidir.

Qeyd edilir ki, “Crocus Group” bir il ərzində ümumi sahəsi 35 000 kvadratmetr olan "Tvoy dom Kuntsevo” ticarət kompleksi və Moskva bazarında ən böyük layihələrdən biri olan 288 000 kvadratmetrlik "Veqas Kuntsevo” ticarət-əyləncə mərkəzi açıb.

“Crocus Group” Moskvaətrafının cənubunda Mərkəzi Dairəvi avtomobil yolunun 118-kilometrlik seksiyasını tikir, həmçinin Moskva-çayı vasitəsilə Volokolamski şosesinə çıxan avtomobil körpüsünü layihələşdirir.

“Crocus Group”a 718 min kv.metr sərgi və 789 kv.metr ticarət sahəsi məxsusdur. Bundan başqa, şirkətin 225 mehmanxana nömrəsi var. (virtualaz.org)

interposta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26