Interposta.Info

Xalasının ərini iki yumruq zərbəsi ilə öldürdü -

Ölkə
 17-01-2018, 21:23     10 457

Abşeron rayonunun Saray qəsəbəsində qətl hadisəsi baş verib.

ARB TV xəbər verir ki, qəsəbə sakini 55 yaşlı Muğan Salikov qohumu olan "Kürd Vüqar" ləqəbli şəxs tərəfindən döyülüb.

İctimai iaşə obyektinin kameralarına düşən görüntüdən bəlli olur ki, Vüqar xalasının həyat yoldaşı ilə görüşür, daha sonra isə onun baş nahiyəsinə zərbə vuraraq yerə yıxır.

Yaralı Sumqayıt şəhər Təcili Tibbi Yardım Xəstəxanasının zədə məntəqəsinə çatdırılıb. Ancaq onun vəziyyəti ağır olduğundan Reanimasiya şöbəsinə yerləşdirilib. Həkimlərin səylərinə baxmayaraq, Salikovun həyatını xilas etmək mümkün olmayıb.

Məlumata görə, Vüqar Hüseynov 2015-ci ilin iyun ayında Abşeron rayonunun Saray qəsəbəsində yaşayan qəsəbə bələdiyyəsinin sədri Vəsilə Əbdilhəsənova və onun həyat yoldaşı Vəfadar Əbdilhəsənovu evlərində qətlə yetirən Fəadail Hüseynovun qardaşıdır.

interposta.info bildirir ki, faktla bağlı araşdırma aparılır.

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26