Dustaqlar Bakı bulvarında gəzintiyə çıxdı –
Yetkinlik yaşına çatmayan məhkumlar arasında nümunəvi davranışı ilə seçilənlər Fəxri Xiyabanda Ümummilli lider Heydər Əliyevin məzarını və Şəhidlər Xiyabanını ziyarət ediblər.
interposta.info xəbər verir ki, bu barədə Ədliyyə Nazirliyinin Penitensiar Xidmətinin rəsmi saytı məlumat yayıb.
Penitensiar Xidmətin tərbiyə müəssisəsində yetkinlik yaşına çatmayan bir qrup məhkum xidmət əməkdaşlarının müşayiətilə müəssisənin hüdudlarından kənarda mədəni-kütləvi tədbirlərdə iştirak edirlər. Məhkum yeniyetmələrlə bağlı növbəti belə tədbir Ramazan Bayramı münasibətilə həyata keçirilib.
Yeniyetmələr - Lütfəliyev Əli Elşən oğlu, Hüseynov Elnur Əli oğlu və Sultanov Xəyal Zəki oğlu ilk olaraq Qarabağ döyüşlərinin iştirakçısı, “Veteran qadınlar təşkilatı”nın üzvü Rüxsarə Cumayeva ilə görüşüblər, vətənpərvərlik mövzusunda söhbətlər aparıblar.
Tədbirin sonunda yeniyetmələrə Dənizkənarı Milli Parkda, ticarət və əyləncə mərkəsində gəzinti üçün şərait yaradılıb.
Tərbiyə müəssisəsinə qayıdan məhkumlar onlara yaradılmış bu imkana, məhkumlara göstərilən diqqət və qayğıya görə minnətdarlıqlarını bildiriblər.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
