İlanlarla yaşayan məcburi köçkünlər:
Mingəçevirdəki məcburi köçkünlərin məskunlaşdığı ərazi ilanların hücumuna məruz qalıb.
interposta.info xəbər verir ki, ilanlar həmin ərazini mühasirəyə alıb. Səmərqənd Əhmədova deyir ki, iki gün öncə qonşulardan biri beşikdə yatan körpəsinin başı üzərində ilan görüb. Həmin vaxt körpənin valideyni əlindəki dəyənəklə ilanı öldürüb.
Sakin: "Yemək yedik, boşqabları götürüb qapıdan çıxanda mənimlə qarşılaşdı. Boşqabları vurdum yerə qaçdım, qışqıranda qonşu gəlib öldürdü. Hər yandan çıxırlar".
Ərazidə yaşayanlar bildirir ki, bu il ilan və əqrəblər daha çox aktivləşib.
Sakin: "60 sm uzunluğunda olur. Baş barmaq boyda".
Mingəçevir şəhər Dezinfeksiya idarəsinin şöbə müdiri Zahid Məmmədov bildirir ki, 3 il öncə həmin ərazidə dezinfeksiya işləri görülüb. Hazırda isə dezinfeksiya işləri idarə ilə bağlanan müqaviləyə əsasən aparılır. O, bildirir ki, həmin ərazilərdə ilan yayılmasından xəbərsizdirlər. (ARB TV)
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
