Interposta.Info

Mingəçevirdə ailə faciəsi:

Ölkə
 9-06-2017, 15:09     1 712

Mingəçevirdə törədilmiş dəhşətli qətliamın yeni təfərrüatları barədə “Sputnik” agentliyi hüquq-mühafizə orqanlarındakı mənbələrə istinadən xəbər verir.

Bu məlumatda deyilir ki, Mingəçevir şəhər prokurorluğundakı mənbə qətlin gecə baş verdiyini deyib. Ancaq hadisə barədə hüquq-mühafizə orqanları səhər açılanda xəbər tutub. Qatil-1960-cı ildə anadan olmuş Hüseynov Lazım Ağa oğlu bütün gecəni qətlə yetirdiyi arvadının və iki uşağının qana bulanmış cəsədlərinin yanında keçirib. Saat 09.10-da yerli polis idarəsinə gələrək təslim olub və ailəsini necə qətlə yetirdiyini danışıb.

Əldə olunan məlumata görə qətlin törədilməsi üçün həm odlu silahdan, həm soyuq silahdan istifadə olunub. İlkin dindirmə zamanı Lazım bildirib ki, arvadını qısqanclıq zəminində öldürüb, sonra o, azyaşlı uşaqlarını qəddarcasına qətlə yetirib. Tezliklə hadisə yerindən qətl aləti-“Kalaşnikov” avtomatı aşkar edilib. Məlum olub ki, Hüseynov birinci Qarabağ müharibəsinin veteranıdır, avtomatı da özündə müharibə dövründən saxlayıb. O, etiraf edib ki, əvvəlcə arvadını “Kalaşnikov”la güllələyib, sonra uşaqlarına çoxsaylı bıçaq zərbələri endirib. Qatil bu zaman “affekt vəziyyətində olduğunu” deyib.

***

Mingəçevirdə şəhərində baş verən dəhşətli qətlin təfərrüatı məlum olub.

“Report”un Şirvan bürosunun məlumatına görə, hadisə şəhərin Nəsimi küçəsi 31 ünvanında baş verib.

Belə ki, şəhər sakini, 1960-cı il təvəllüdlü Lazım Ağa oğlu Hüseynov həyat yoldaşı, 1980-cı il təvəllüdlü Aynurə Abbasovanı və iki azyaşlı övladını – 2010-cu il təvəllüdlü Hüseyn Hüseynovu və 2012-ci il təvəllüdlü Mədinə Hüseynovanı qətlə yetirib.

Qətlə yetirilən qadının qohumları “Report”un yerli bürosuna bildirib ki, hadisə qısqanclıq zəmində baş verib: “Lazım Hüseynov özündən 20 yaş kiçik olan A.Abbasovanı 18 yaşında olarkən qaçırıb və ailə qurub. Bu izdivacdan onların iki övladı olub. Əvvəllər mehriban idilər. Lakin sonradan Lazım Hüseynov narkotik vasitələr qəbul etdiyindən ailədə tez-tez münaqişələr olurdu. Sonra Lazım həbs edildi. Həbsdən çıxandan sonra bilmirik nə eşidib, nə deyiblər ona, gəldi bu hadisəni törətdi”.

Qətlə yetirilən ana və iki övladın meyiti müayinə olunmaq üçün Səhiyyə Nazirliyinin Məhkəmə Tibbi Ekspertiza və Pataloji Anatomiya Birliyinin Mingəçevir şəhər şöbəsinə yerləşdirilib. Məlum olub ki, L.Hüseynov arvadının və hər iki övladının başına küt və ağır alətlə vurduqdan sonra bıçaqla onların boğazını kəsib.

Hadisədən sonra L.Hüseynov könüllü olaraq polisə təslim olub.

Faktla bağlı Mingəçevir Şəhər Prokurorluğunda araşdırmalara başalnılıb.

***

Mingəçevirdə arvadını və iki övladını qətlə yetirən Lazım Hüseynov könüllü olaraq polisə təslim olub. “Report”un Şirvan bürosunun məlumatına görə, o, həyat yoldaşı Aynurə Hüseynovanı, oğlu, 2-ci sinif şagirdi Hüseyn Hüseynovu və 5 yaşlı qızı Mədinə Hüseynovanı ailə münaqişəsi zəminində qətlə yetirib.

***

Mingəçevir. 9 iyun. REPORT.AZ/ Mingəçevirdə kişi arvadını və iki övladını qətlə yetirib.

“Report”un Şirvan bürosunun məlumatına görə, hadisə şəhərin ərazisində baş verib.

Belə ki, şəhər sakini 1960-cı il təvəllüdlü Hüseynov Lazım Ağa oğlu həyat yoldaşı və iki övladını öldürüb.

Hadisənin ailə münaqişəsi zəminində baş verdiyi bildirilir.

Hadisə yerinə Mingəçevir Şəhər Polis Şöbəsinin və Mingəçevir Şəhər Prokurorluğunun əməkdaşları gəliblər.

interposta.info
Mingəçevirdə ailə faciəsi:
Mingəçevirdə ailə faciəsi:
Mingəçevirdə ailə faciəsi:
Mingəçevirdə ailə faciəsi:

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26