Bakıda işıq sayğacı qaz turbasına “skoçlanıb” -
Suraxanı rayonu, Qaraçuxur qəsəbəsi, Əliheydər Qarayev küçəsindəki evlərdə yaşayan əhali təhlükədədir.
interposta.info xəbər verir ki, bu barədə BakiPost.az-a həmin ərazidə yaşayan sakinlər məlumat verib. Onların sözlərinə görə, Ə.Qarayev küçəsindən keçən qaz turbasına işıq sayğacı quraşdırılıb. Sakinlər işıq sayğacının qaz turbasına quraşdırılmasının hər an fəlakətə səbəb ola biləcəyini düşünür: "İşıq sayğacını küçədə qaz turbasına az qala "skoçlayıbar". Hər şey də açıq-aşkar şəkildə çöldədir. Sayğacda qığılcım olsa, yaxud qaz turbasında sızma olsa, güclü partlayış ola bilər. Partlayış da olsa, küçədəki bütün evlərə ziyan dəyəcək. Çünki həmin turba hamının evinin yanından keçir. Ölüm olsa, kim cavab verəcək buna?”
Küçə sakinləri bildirir ki, bununla bağlı işıq sayğacının sahibi 2 dəfə "Azərişıq”a müraciət edib: "Ev sahibi müraciət edib, 2 dəfə də idarədən əməkdaşlar gəlib. Deyiblər ki, pul verin, sayğacı turbadan ayırıb, təhlükəsiz yerə quraşdıraq. Bu gün də bir əməkdaşları gəlmişdi. Deyir, bu sayğac çox təhlükəlidir. Bu cür işlətmək qəti şəkildə olmaz. Hər yerindən "skoç" sallanır. Ev yiyəsi deyib ki, onda köçürün. Cavab verib ki, mən köçürə bilmərəm, plombu qırılar. Bəs kim köçürsün? "Azərişıq” öz işini görmək üçün camaatdan pul istəyir. Bu qədər camaat da hər an hansısa partlayış ola bilər düşüncəsiylə yaşayır”.
Əliheydər Qarayev küçəsində qaz turbasına sancılmış sayğacın fotolarını təqdim edirik:
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
