Interposta.Info

Abel Məhərrəmovun sərvəti açıqlandı - SİYAHI

Müxtəlif / Manşet
 25-08-2020, 20:21     1 313

Bakı Dövlət Universitetinin (BDU) rektoru vəzifəsindən çıxarılandan sonra "kölgəyə” çəkilən akademik Abel Məhərrəmov yenidən diqqət mərkəzinə gəlib.

"İnterPosta" Yenisabah.az-a istinadla xəbər verir ki, keçmiş rektorun Azərbaycan Milli Elmlər Akademiyasının (AMEA) prezidenti, akademik Ramiz Mehdiyevin nəvəsinin toy mərasimində iştirak etməsi və orada sağlıq deməsi müzakirə mövzusuna çevrilib.

Bəzi məlumatlara görə, Abel Məhərrəmovun hakim Yeni Azərbaycan Partiyasının (YAP) İdarə Heyətindən çıxarılacağı iddia olunur.

Eyni zamanda, keçmiş rektorun illər öncə mediada yayılmış sərvəti yenidən tirajlanıb. Məlumat üçün deyək ki, siyahını siyasi elmlər üzrə fəlsəfə doktoru, AMEA-nın əməkdaşı, dosent Şahin Bağırov yaymışdı.

1. "El Faro Hotel Nabran” ailəvi istirahət mərkəzi - 200 hektar ərazidə 61 milyon manat dəyərində ölçülən istirahət mərkəzi. Qızı İzabellanın adına qeydiyyatdan keçib.

2. "Mono Liza” - Bakıda ən bahalı və məşhur şadlıq sarayıdır. Dəyəri 12 milyon manat civarında ölçülür. (Ünvan: Bakı, Nərimanov, Yusif Vəzir Çəmənzəminli,1596).

3. "İzabella” şadlıq sarayı, Bakıda "Elmlər Akademiyası” metrostansiyası yaxınlığında, dəyəri 23 milyon manat civarında ölçülür.

4. Bakıda 11 müxtəlif ərazidə SPA idman salonlarından əldə olunan gəlirlər. Hər birinin dəyəri 4, yaxud 7 milyon manat civarında ölçülür.

5. "Sahil” ticarət mərkəzində ən bahalı "Ramsey” mağaza (İtaliya-Türkiyə istehsalı olan brendlər olan kişi kostyumları mağazaları şəbəkəsi)

Abel Məhərrəmovun şəxsi avtomobil qarajında dünyanın ən müasir son model avtomobillərinin siyahısı:

1. "Lamborgini”

2. "Bentli”

3. "Porsşe Cayenne”

4. "Land Rover”

5. "Mersedes AMG” (son model, zirehli, dəyəri 1 milyon 800 min manat avro dəyərində ölçülür)

6. "Audi Q7”

7. "Audi Q8” (Son model, qiyməti 450 min avro)

8. "Mersedes Gelandevagen” (qiyməti 250 min avro)

9. BMV X6 (son model - qiyməti 200 min avro)

10. BMV -760” (qiyməti 400 min avro)

Abel Məhərrəmova məxsus olduğu iddia olunan mülklərin siyahısı:

1. Binəqədidə "Vorovski" deyilən ərazidə 2 villa;

2. Quba rayonunda 1 villa;

3. Xızı rayonunda 1 villa;

4. Nabranda 1 villa;

5. Şüvəlan qəsəbəsində 1 villa;

6. Mərdəkan qəsəbəsində 1 villa;

7. AMEA yaxınlığında yerləşən milyonçular məhəlləsində 1 villa;

8. Şərifzadə küçəsində yerləşən ev.

9. Qızı Nərminə Sadıqovaya məxsus "Qlobus" uşaq bağçası.

10. 8-ci mikrorayonda daha bir restoranı

11. N.Nərimanov heykəlinin yanında dəyəri 1 milyon manatdan yüksək olan mənzil.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26