Şəhid ailəsi 2 aydı tövlədə yaşayır? – "İcra hakimyyəti təkzib edir" – VİDEO+FOTO
Ağdam rayon sakinlər durmadan ölkə rəhbərinə mövcud problemləri ilə bağlı müraciət edirlər.
Şəhid ailəsi olan Əfətli kənd sakini Həsənov Raiz Allahyar oğlu rayon icra hakimyətindən və onların gördüyü işdən narazı olduğunu bildirir.
Rayonun digər sakinləri kimi oda iddia edir ki, icra hakimyyətinin formalaşdırdığı komisyaya pul vermədiyi üçün onu süründürürlər. Evinin dağıdılıb yerə töküldüyün deyən şəhid alisi bildirir ki, 3 az yaşlı övladları ilə 2 aydır təsərfatına aid olan tövlədə yaşayır.
İnterPosta.info olaraq R.Həsənovun təqdim etdiyi video roliki diqqətinizə çatdırırıq:
Əfətli kəndinin digər sakini Əhmədov Məhiyəddin Əhəd oğlu eyni mövzudan şikayətçidir.
Kəndin digər sakini Həsənov Alı Zülfüqar oğluda şikayətçidir.
Şikayətçilərin iddiyasına, Ağdam rayon İcra Hakimyyəti münasibət bildiri.
İnterPosta.info olaraq Ağdam rayon İcra Hakimyyətinin münasibətin olduğu kimi təqdim edirik:
Azərbaycan Respublikasının Prezidenti cənab İlham Əliyevin imzaladığı sərəncama əsasən, Ağdam rayonunun erməni silahlı birləşmələri ilə təmas xəttinə yaxın 19 yaşayış məntəqəsində mülki əhalinin mənzil-məişət şəraitini yaxşılaşdırmaq məqsədilə 139 ailənin yaşadığı 121 fərdi yaşayış evinin bərpası məqsədilə vəsait ayrılmış və hazırda həmin sərəncamın icrası həyata keçirilir. Sərəncamda hansı yaşayış məntəqələrində təmir bərpa işləri aparılacağı tam aydın gösdərilir. Buna baxmayaraq bir qrup sakinlər tərəfindən evlərinin təmir olunmaması iddiası ilə müxtəlif kütləfi informasiya vasitələrinə müraciətlər edirlər. Sizin sayta rayonun Əfətli İnzibati ərazi dairəsi üzrə nümayəndiliyin tərkibində olan yaşayış məntəqələrin bir neçə sakininin Əhmədov Məhiyəddin, Səfərova Kəmalə və Həsənov Rais adlı şəxlərin müraciətinə bildirə bilərik ki, həmin şəxlərdən Əhmədov Məhiyəddin 2015-ci ildə bərpa agentliyi tərəfindən mal-materialla təmin olunub, Belə ki, həmin vaxt o anası ilə birgə yaşamış və ailə başçısı anası olmuşdur. Ancaq sonra anası rəhmətə getdiyi üçün indi özünün adına yenidən bərpa tələb edir. Ancaq hazırda bərpa tələb etdiyi ev agentlik tərəfindən materialla təmin olunmuşdur. Digər şəxlərdən Həsənov Raisin evinə təmir üçün briqada getmiş evin yararsız hissəsləri və dam örtüyü sökülüb yenisi əvəz olunmaq üçün işlər görüldükdən sonra evinin tamamilə sökülrək yenidən tikilməsi tələbini irəli sürmüşdür. Ancaq, sərəncamda yeni ev tikintisi nəzərəd tutulmadığına görə onun tələbi yerinə yetirilməkdən imtina edilmişdir. Səfərova Kəmalə isə Evoğlu kəndinə ərə gedib və qaynatasına məxsus 2 mərtəbəli təmirə ehtiyacı olmayan evdə yaşayır. Evlə bağlı heç bir müraciəti olmayıb.
Ağdam rayon Evoğlu kəndinin sakini Səfərova Kəmalə Zülfüqar qızı da, eyni mövzudan şikayətçi olduğunu bildirir, amma rayon icra hakimyətinin açıqlamasında qeyd ediblər ki, adı çəkilən xanım mövcud məsələ ilə bağlı rayon rəhbərliyinə müraciət etməyib.
Şəhid ailəsi olan Əfətli kənd sakini Həsənov Raiz Allahyar oğluna məxsus yarımçıq qalmış tikili.
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
