Vəkillər Kollegiyasında nələr baş verir? - Foto

Müxtəlif / Paradoks

20-02-2019, 15:18 10 917

Azərbaycan Respublikası Vəkillər Kollegiyasının sədri Anar Bağırov qovulan keçmiş prokurorluq əməkdaşlarını qınadı.
İnterPosta.info-nun məlumatına görə, bu barədə Anar Bağırov öz fb səhifəsində yazıb.
Anar Bağırov işdən qovulan keçmiş prokurorluq əməkdaşlarında vəkilliyə qarşı bir nifrət hissi olduğunu müşahidə etdiyini qeyd edib. O, hətta prokurorların öz səviyyələrinə, daha doğrusu səviyyəsizliyinə uyğun vəkilləri alçaltmaq, aşağılamaq kimi uğursuz cəhdlər də müşahidə olunduğunu açıqlayıb.
Anar Bağırov "şəxsən mənim üçün belələri harada işləməklərindən, yeni məşğuliyyətlərindən asılı olmayaraq ele uğursuz prokurorluq əməkdaşları olaraq qalırlar" deyə bildirib.
Maraqlısı budur ki, Anar Bağırovun fikirlərinə hüquq müdafiəçilərindən dəstək çıxanlar çoxluq təşkil edib.
Vəkillərin bundan sonra ya tamam susmaq, ya qurumun hər addımını tərifləmək, hər şəklinə yekə bir LİKE qoymaq və boş-boş AZTV sayağı tərifləmək, ya da öz prinsipial mövqeyində durmaqla heç nəyə fikir vermədən vicdanlı vəkilliyini eləmək yolları qalır.
Məsələyə hüquq müdafiəçiləri Adil İsmayılov və Adəm Məmmədov da münasibət bildiriblər. Maraqlısı budur ki, Adəm Məmmədov da ürəkdolsuyla yazdığı statusu sonradan silib.
Qeyd edək ki, Anar Bağırov daha sonra yazdığı statusu silib.

İnterPosta.info