Elmar Vəliyevin yeni videosu: səhhəti yerindədir, iştahla yeyir
51 gün öncə sui-qəsdə məruz qalmış Gəncənin başçısı Elmar Vəliyevlə bağlı musavat.com-un elektron poçtuna yeni video göndərilib.
Videodan göründüyü kimi, o, lüks bir otaqda (otel və klinika) oturub və iştahla yemək yeyir. Doğrudur, görüntülərdə əks olunan şəxsin E.Vəliyevə oxşarlığı çoxdur, amma yenə də birmənalı demək çətindir ki, bu, odur, yoxsa oxşarıdır.
Videodakı şəxsin başındakı kepka da başçının tanınmasını bir qədər çətinləşdirir. Bilmək olmur ki, bu kepka Vəliyevin başındakı yaranın izini örtmək üçün nəzərdə tutulub, yoxsa oxşarlığı artırmaq, yaxud da fərqliliyi azaltmaq üçün.
Hər halda belə bir video yayılıb və iddia olunur ki, bu, sui-qəsdə məruz qalmış başçınını ən son videogörüntüləridir.
interposta.info musavat.com-a istinadla bu videonu yayır və hansısa qənaətə gəlməyi oxucuların öhdəsinə buraxır.
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
