Yanıb külə dönən dükandan yeganə salamat qalan Qurani-Kərim oldu
Bodrumda bir kafedə səhərə yaxın baş verən yanğında iş yeri tamamilə yanaraq külə dönüb. Dükanda salamat qalan yeganə Qurani-Kərim olub.
interposta.info bildirir ki, moderator.az Türkiyə xəbər agentliklərinə istinadən məlumat verir ki, Bodrum Yoxuşbaşı məhəlləsindəki bir kafedə elektrik qəzası səbəbindən səhərə yaxın yanğın baş verib. Məkan sahibi olan və kafenin üst mərtəbəsindəki otağında yatan Bayram Koruk tüstüdən oyanıb. Hər tərəfi alov və tüstü bürüdüyünə görə aşağı enə bilməyən Koruk, dama çıxaraq, yanındakı bankın binasına keçərək canını çətinliklə qurtarıb.
Alovlara tamamilə bürünmüş dükanı söndürmək üçün bölgəyə gələn xilasetmə qrupları yanğını çətinliklə nəzarət altına ala biliblər. Xilasetmə qrupları tamamilə külə dönmüş dükandan çıxan yanmamış Qurani-Kərimi görüncə şok olublar. Bütün dükanın yanmasına baxmayaraq, Qurani-Kərimin yanmadığını görənlər təəccüblərini gizlədə bilməyiblər. 
Yanğın əsnasında kafenin içərisində bir Qurani Kərim olduğunu və yanğında Quranın bir hərfinin belə yanmadığını ifadə edən dükan sahibi Bayram Koruk: "O qədər alovun içində Quranın bir hərfi belə yanmadı. Allah hikmətini göstərir. Bu da sizə Hikmətullah. Anlayın yəni, insana dost yetər, bu da dost. Alovun içindən çıxdı Qurani-Kərim" – deyib.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
