Interposta.Info

“Bölgələrdən Bölgələrə” Yaradıcılıq Festivalının növbəti ünvanı Ağdaş oldu

Mədəniyyət / Müxtəlif
 8-04-2019, 17:36     10 503

“Bölgələrdən Bölgələrə” Yaradıcılıq Festivalının növbəti dayanacağı Ağdaş rayonuolub.

Respublikamızın 16 regional mədəniyyət idarəsini əhatə edən rayon və şəhərlərin iştirakı ilə “Bölgələrdən Bölgələrə” Yaradıcılıq Festivalı Ağdaş rayonunda Heydər Əliyev adına parkdabaş tutub.

Festivalda Mədəniyyət Nazirliyinin nümayəndələri, regional mədəniyyət idarələrinin rəisləri, mədəniyyət işçiləri, eyni zamanda Ağdaş Rayon İcrabaşçısının birinci müavini‎ İsmayıl ‎Yusifzadədə iştirak edib.

“Bölgələrdən Bölgələrə” Yaradıcılıq Festivalının budəfəkiproqramı Azərbaycan ordusunun qələbəsi ilə nəticələnən  Aprel döyüşlərinin üçüncü il dönümünə həsr olunub. Bu məqsədlə festivalın zəngin proqramında qonaqlara regional idarələrin özfəaliyyət dərnəkləri, mədəniyyət işçiləri, musiqiçilərinin ifasında “Azərbaycan”, “Yaşa mənim xalqım”, Qarabağ şikəstəsi“Üç rəngli bayrağım” kimi digər vətənpərvərlik ruhunda olan və birliyə çağırış mesajını verən mahnılarsəsləndirilib.

Festivalın sərgi hissəsinə gəlincə, regional mədəniyyət idarələrinin tabeliyində olan şəhər və rayonların sənətkarları və yaradıcı insanlarıdekorativ tətbiqi sənət nümunələri, müxtəlif mövzularda çəkilmiş rəsm əsərləri, bəzək əşyaları,əl işləri sərgiləyiblər.

Eyni zamanda regional mədəniyyət idarələri sərgidəziyarətçilərə dünya xalqlarına aid qədim və müasir incəsənət növləri olan ekibanu, kvilinq, qobilen sənətinə aid nümunələr, yağlı boya ilə çəkilmiş natürmortlar, portretlər, peyzajlar, tariximizə aid rəsmlər, eləcə də həm milli, həm də bir çox xalqların qədim və müasir incəsənət növlərinin sintezi ilə hazırlanmış əsərləri də nümayiş etdiriblər.

Ağdaş rayonunda keçirilən festivala rəng qatan anlardan biri isə Ağdaş Regional Mədəniyyət İdarəsinin tabeliyində olan Ağdaş Mədəniyyət Mərkəzinin Kəndirbazlar Folklor Kollektivinin rəhbəri, tanınmış kəndirbaz Məhəmməd Paşayevinkəndir üzərində qonaqlara müxtəlif maraqlı hərəkətləri nümayiş etdirməsi olub.

“Bölgələrdən Bölgələrə”Yaradıcılıq Festivalı Azərbaycanın regionlarını əhatə etməklə şəhər və rayonların bir-birinin mədəni zənginliyi, sənətkarlıq irsi və incəsənəti ilə tanış olmağa imkan yaradıb. Bölgələr arasında mədəni mübadilənin gücləndirilməsinə, yeni təşəbbüslərə yol açıb.

Qeyd edək ki, Mədəniyyət Nazirliyinin iş planına əsasən respublikamızda ikinci dəfədir ki,“Bölgələrdən Bölgələrə” Yaradıcılıq Festivalı baş tutur. Bu festival iki ay davam edəcək.

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26