Interposta.Info

“Eurovision 2020” koronavirusa görə təxirə salındı

Maqazin
 18-03-2020, 18:46     454

Bu ilin may ayında Niderlandda keçirilməli olan "Eurovision” mahnı müsabiqəsi koronavirusun yayılması riski səbəbi ilə rəsmi olaraq ləğv edilib.

"İnterPosta" xəbər verir ki, bu barədə təşkilatçıların "Twitter” hesabındakı məlumatında deyilir.

"COVID-19-un bütün Avropaya yayılması təhlükəsi, həmçinin iştirakçı ölkələrin hökumətləri, o cümlədən Niderland hökuməti tərəfindən tətbiq olunan məhdudiyyətlər nəzərə alınaraq "Eurovision” müsabiqəsinin keçirilməsi mümkün deyil”, - rəsmi açıqlamada bildirilir.

Təşkilatçılar həmçinin qeyd edirlər ki, Avropa Yayım Birliyi (EBU) bu il "Eurovision”a ev sahibliyi etməli olan Rotterdam ilə birlikdə müsabiqənin 2021-ci ildə keçirilməsini müzakirə etməyə davam edəcək.

Qeyd edək ki, "Eurovision” mahnı müsabiqəsi mayın 12-dən 16-dək Rotterdamdakı "Ahoy” konsert zalında keçirilməli idi.

Azərbaycanı müsabiqədə "Kleopatra” mahnısı ilə Samirə Əfəndi təmsil etməli idi./qaynarinfo

İnterPosta.info

Mövcüd problemlərinizi və təkliflərinizi bizə göndərə bilərsiniz.
E-mail: [email protected]
Telefon: (+994) 55 740 69 26