Murad Dadaşov Tünzaləyə konsertində elə sözlər dedi ki...

Bu gün Heydər Əliyev Konqress Mərkəzində əməkdar artist Tünzalə Ağayeva “Şərh Siz” konserti ilə çıxış edib.

Kult.az xəbər verir ki, səhnəyə əvvəlcə ağ, sonra isə tül-qara geyimdə təşrif buyuran müğənni xanım Murad Dadaşovun komplimenti ilə qarşılaşıb. Səhnədə ona gül dəstəsi təqdim edən şoumem Tünzalənin on səkkiz il öncə Tovuzdan yaylıqla gəldiyini, lakin bu gün qarşımızda artıq əməkdar artist kimi çıxış etdiyini vurğulayıb. Sonra zarafatla əlavə etdi: “Əziz tamaşaçılar, maraqlısı budur ki, uzun illər əvvəl Tünzalə yaylıqla səhnəyə çıxmışdısa da, indi biz onun yubkasını (ətəyini) ümumiyyətlə görmürük. Ağ libaslı geyimi ilə tamaşaçıları ovsunlayıb. Tünzalə, sən artıq seks simvolsan!”

Bir çox tanınmış yaradıcı insanların qatıldığı konsert əvvəlcə xanım ifaçının illər öncə səhnədə ifa etdiyi və sevildiyi mahnılarla başlayıb. Tünzalə dicey LJ və Eyyub Yaqubovla duet ifa edib.

Daha sonra məşhur türk musiqisi “Mehriban”, eləcə də “Ağ çiçəklər”, “Xoş gəldin, gülüm”, “Toxun mənə”, “Yağış” və digər məşhur mahnılarını səsləndirib.

Orkestrin “Ad günün mübarək” ifası ilə xanım ifaçı bu gün – 20 oktyabrda ad günü olduğunu və qırx iki yaşını tamamladığını söyləyib. Bildirib ki, komandası ad günü ilə bağlı təbrik ifasını ona sürpriz edib.

Konsertin adına gəlincə isə, bildirildi ki, qiymətləndirməni ictimaiyyətə və mediaya buraxdıqları üçün “Şərh Siz” adlandırılıb.

interposta.info