İlkindən rejissora cavab: “Kim bizi bəyənmirsə...”
Aktyor İlkin Həsəni “Qara Volqa” filminin quruluşçu rejissoru Elşən Məmmədovun “Bozbaş Picture” haqqında səsləndirdiyi tənqidi fikirlərə münasibət bildirib
Musavat.com saytına açıqlama verən aktyor bildirib ki, sevənləri olduğu qədər sevməyənləri də var:
“Bu normaldır. Kim bizi bəyənmirsə, verilişimizi, filmimizi izləməsin. Son filmimiz “Stalinin başı” 150 min dəfə izlənib. Deməli, sevilirik. Şöşü, Fəlakət sevilən xarakterlərdir. Bizim canlandırdığımız obrazlar cəmiyyətdən götürülüb. Biz obrazlarımızdakı insanlara güzgü tuturuq. Demək istəyirik ki, belə görünürsünüz. İçində bayağılıq olmayan şəxs bizi izləyib bayağılaşmaz. Biz sevənlərimiz üçün çəkirik. Tənqid hər zaman olub, normaldır”.
Qeyd edək ki, E. Məmmədov “Qafqazinfo”ya müraciətində aşağıdakı fikirləri səsləndirib:
“Deyirlər, gənclərə yol veririk, amma bu, o demək deyil ki, biz kinonun içində böyüyən insanlar kənarda qalmalıyıq. Bu gün “Bozbaş”ın bayağı obrazları dillərdən düşmür. Şöşüdü, Moşudu, Fəlakətdi... Bunlar bizim gələcəyimizə, cəmiyyətimizə nə verəcək? Heç nə. Onlar sabun köpüyü kimi bir şeydir”.
interposta.info
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
