Ayaz Orucovun Beyləqan rayonunda qurduğu "Hidromaş"... FOTOLAR

Vətəndaş Əliyev Ruhid Məmməd oğlunun saytımıza ünvanladığı şikayəti olduğu kimi oxucularımızın nəzərinə çatdırırıq.

Beyləqan şəhərinin mərkəzində bizim ailəyə mərhum atamdan miras qalmış Dövlət Reyester xidmətində qeyd nömrəsi 3-15,univentar nömrəsi -15 olmaqla qeydiyyatda olan mülkümüz Beyləqan rayonunun eks deputatı Ayaz Orucov tərəfindən qanunsuz olaraq zəbt olunmuşdur.

Deməli Ayaz Orucov Beyləqanda deputat olarkən Beyləqan şəhərinin mərkəzində rəhbərlik etdiyi Hidromaş şirkətinin vasitəsiylə ( güyə Beyləqan rayonuna musiqi məktəbi tikəcək) Beyləqan İcra Hakimiyyətinin musiqi məktəbi üçün ayırdığı ərazi təxminən bir hektara yaxın torpaq sahəsini dövlətdən oğurlayaraq orda özü üçün imarət tikdirmişdir.
Ayaz Orucovun Dövlətdən oğurladığı torpaq bizim adı gedən ərazimizlə yaxın olduğu üçün bu harın deputat orda tikdirdiyi qəsrin həyətini genişləndirmək məqsədiylə bizim ailəmizə məxsus olan torpağıda zorla əlimizdən alaraq qəsrinin həyətinə qatmışdır.
Bu hadisə 2014-cü ildə baş verib.

O vaxdan hansı yerli və mərkəzi hüquq mühafizə orqanlarına,icra aparatlarına şikayətlə müraciət etsəkdə hələdə Ayaz Orucovun bu cinayəti nəticəsiz qalıb,vəzifəli doslarının sayəsində ona gözün üstə qaşın var deyən olmayıb!

Ölkə rəhbərinədə dəfələrlə yazdığımız şikayətlərdə ona çatmadığından bir nəticə verməyib.
Sizdən artıq dərəcədə xahiş edirəmki Ayaz Orucovun bizim ailəmizə qarşı törətdiyi bu cinayət əməlinin ictimayətə çatdırılmasında bizə əlinizdən gələn köməkliyi əsirgəmiyəsiniz.

Qarşı tərəfində mövqeyn dinləməyə hazırıq.

interposta.info