Binəqədi Kapital Bankından vətəndaşa qarşı kapital kimi fırıldaq –
Zəngilan rayon Məmmədbəyli kənd sakini, məcburi köçkün Mirzəyeva Nərgiz Allahverdi qızı interposta.info-a müraciət edib.
Bakı şəhər Sabunçu rayon Pirşağı qəsəbəsində yaşayan Nərgiz xanım bildirir ki, Kapital Bank ASC-nin 1sayli Binəqədi rayon filialından 1976,00 (AZN) manatı 36 ay müdətinə kredit verilib və kreditin aylıq ödənişi 78,59 qəpikdir.
Şikayətçi bildirir ki, dövlət tərəfindən məcburi köçkünlər üçün ayrılan yemək xərcini 6 aydır ki, adı çəkilən filial qeyri qanuni olaraq bank üzərindəki köçürmə zamanı iki nəfərə ayrılmış 40 manatı tutur. Onun sözlərinə görə dövlət tərəfindən ayrılmış yemək xərci əmək haqqı qisminə daxil deyil, ölkə qanunvericiliyində ailənin gəliri kimi hesablanmır və bu səbəbdən də yemək xərcindən kredit borcunun tutulması qanun pozuntusudur.
interposta.info qarşı tərəfin mövqeyini dinləməyə hazırdır.Mirzəyeva Nərgiz Allahverdi qızı bu qanun pozuntusunun qarşısının alınması üçün Prezidentdən kömək istəyir.
Vətəndaşın video müraciəti: 
Mövcüd problemlərinizi və təkliflərinizi bizə göndərə bilərsiniz. E-mail: [email protected] Telefon: (+994) 55 740 69 26
